Раман Н. Бабінай «Рыбін горад» перавыдадзены ў форме электроннай кнігі

У выдавецтве «Янушкевіч» выйшла электроннае выданьне рамана Наталкі Бабінай «Рыбін горад». Гэта ўжо трэцяе выданьне на беларускай мове вядомага твору пісьменьніцы. Упершыню ён выйшаў у сэрыі «Кнігарня Наша Ніва», выдадзенай у гонар 100-годзьдзя газэты. Раман быў фіналістам прэстыжнай эўрапейскай літаратурнай прэміі Angelus, а таксама перакладзены на польскую, украінскую, ангельскую мовы.

«Рыбін горад» – твор незвычайны і шматплянавы. Ён спалучае рысы вострапалітычнага, сацыяльнага, прыгодніцкага, гістарычнага і дэтэктыўнага раману. У мастацкай форме ў ім паказаныя палітычныя рэаліі Беларусі, у прыватнасьці – як тут зазвычай праходзяць выбары. Таксама некаторыя крытыкі лічаць раман Бабінай фэміністычным, хаця сама аўтарка з такім вызначэньнем катэгарычна не пагаджаецца.

Наша Ніва/ав