Ля рэстарана ў Курапатах усталявалі крыж

У пятніцу Зьміцер Дашкевіч з паплечнікамі прывёз крыжы да рэстарана «Паедзем, паядзім». Акцыя была заплянаваная для замены старых крыжоў, якія струхнелі ад часу

Ахова рэстарана не была падрыхтаваная да такога разьвіцьця падзеяў і толькі назірала. Міліцыя папярэдзіла актывістаў, што супрацьпраўныя дзеяньня могуць завершыцца арыштам.

Падчас акцыі ў Курапаты прыехаў дырэктар Бараўлянскага спэцлясгасу Аляксандар Мірановіч. Чыноўнік папярэдзіў, што любыя працы будуць кваліфікаваныя як супрацьзаконныя з прыцягненьнем да адміністрацыйнай адказнасьці. Маўляў на ўстаноўку патрэбны адмысловы дазвол зь Міністэрства культуры і адпаведнае ўзгадненьне зь Міністэрствам лясной гаспадаркі.

У іншым выпадку новыя крыжы будуць дэмантаваныя. Актывісты заяўляюць, што яны будуць працягваць акцыю.

Паводле Наша Ніва/Радыё «Свабода»/юл