Турысты ў Горадні змогуць выбіць сувэнірную манэту

Для турыстаў паміж Новым і Старым замкамі ў Горадні прапануецца новая забава: магчымасьць уласнаручна выбіць сувэнірную манэту. Выбраць можна сувэнірныя манэткі з выяваю помнікаў дойлідзтва Горадні й Гарадзеншчыны ды гарадзкой геральдыкі. Нядаўна зьявілася магчымасьць выбіць рэплікі манэт, якія мелі абарачэньне ў Вялікім княстве Літоўскім: дуката й талера.

Паводле ўладальніка «манэтнага двара», рамесьніка Паўла, гэтая манэта адбіваецца на месцы, на прэсе. Ён кажа, што турысты заўсёды з задавальненьнем робяць такія манэты.

Майстар Павел увесь час пашырае асартымэнт сувэнірных манэт.

паводле радыё рацыя/вс