У Смаленскай вобласьці ствараюць народныя дружыны для кантролю мяжы

У Хіславіцкім раёне Смаленскай вобласьці, які мяжуе з Мсьціслаўскім раёнам, прынялі рашэньне аб фарміраваньні добраахвотных народных і казацкіх дружын для кантролю беларуска-расейскай мяжы й дапамогі памежнікам.

Падставай для такога рашэньня Адміністрацыі Хіславіцкага раёна стала пастанова ўраду Расеі ад 1995 года «Аб парадку прыцягненьня грамадзян да абароны дзяржаўных межаў».

Акрамя магчымага наплыву замежнікаў, адной з прычын стварэньня добраахвотных дружын стала вялікая колькасьць кантрабанды, якая трапляе ў Расею з Беларусі.

У дружыньнікаў будзе права ўдзельнічаць у кантрольных мерапрыемствах – ім выдадуць пасьведчаньні і нагрудныя знакі.

nn.by/mspring.online/яс