СК Беларусі патлумачыў, чаму затрымалі журналістаў у «справе БелТА»

Начальнік аддзелу інфармацыі і сувязі з грамадзкасьцю Сьледчага камітэту Беларусі Сяргей Кабаковіч патлумачыў Свабодзе, чаму ў «справе БелТА» журналістаў затрымалі і зьмясьцілі ў ізалятар.

Сяргей Кабаковіч падкрэсьліў, што журналісты, што маюць статус затрыманых, а не арыштаваных.

Артыкул КК, па якім праводзіцца „справа БелТА” не прадугледжвае пакараньня большага за 2 гады зьняволеньня. Гэта «мяккі артыкул» і ў такім выпадку арышт на час сьледзтва не прадугледжаны.

Кабаковіч патлумачыў, што кожны сьледчы ў сваёй крымінальнай справе прымае рашэньні наконт правядзеньня далейшых сьледчых дзеяньняў. Ён бачыць, як яны разьвіваюцца і што патрэбна далей для расьсьледаваньня. Няма гаворкі пра арышт, - зазначыў Кабаковіч.

svaboda.org/яс