У «справе БелТА» няма складу злачынства

Сьледчы камітэт Беларусь заявіў, што вядзе сьледзтва супраць журналістаў за несанкцыянаваны доступ да кампутэрнай інфармацыі, учынены з іншай асабістай зацікаўленасьці, які пацягнуў прычыненьне істотнай шкоды, згодна з крымінальным артыкулам 349.

У сваю чаргу адвакат журналістаў заявіў, што ў «справе БелТА» у сьледчых няма падстаў для прыцягненьня журналістаў да адказнасьці. Справа ў тым, што калі нехта заходзіць пад чужым паролем, гэта несанкцыянаваны доступ.

Пры гэтым у дадзеным выпадку няма парушэньня сыстэмаў абароны. Сайт БелТА ніхто не ламаў і ніякіх іншых працэдураў зь ім не рабіў. Таму тут няма складу злачынства, прадугледжанага 349-м артыкулам, заявіў адвакат.

Паводле Радыё “Свабода”/юл