Каля Чарнобыля злавілі дваіх беларусаў

Пра выпадак паведамляе кіеўская паліцыя. У рамках мерапрыемстваў «Мігрант» супрацоўнікамі паліцыі зоны Чарнобыльскай АЭС у раёне сяла Парышаў быў выяўлены аўтамабіль маркі «Таёта», у якім знаходзілася двое грамадзян Беларусі 33 і 42 гадоў, што праніклі на тэрыторыю зоны адчужэньня па-за кантрольна-прапускнымі пунктамі, а таксама на тэрыторыю Ўкраіны па-за межамі пагранічнага пункта пропуску.

Паліцыі беларусы патлумачылі, што яны заблукалі.

У дачыненьні да правапарушальнікаў былі складзеныя адміністрацыйныя пратаколы паводле артыкулу «Незаконнае перасячэньне або спроба незаконнага перасячэньня дзяржаўнай мяжы Ўкраіны» Кодэкса Ўкраіны аб адміністрацыйных правапарушэньнях. Неўзабаве іх перададуць беларускіх памежнікам.

nn.by/эж