Някляеў і Жыгамонт зьявіліся на білбордах у Менску

На галоўнай вуліцы Менску сёньня можна пабачыць шчыты акцыі #добрыясловы. Пісьменьнік і тэлевядоўца жадаюць мінакам добрага дня і прамуюць беларускамоўную краму Symbal.by.

«Для нас гэта экспэрымэнт. Сёньня білборды зьявіліся, паглядзім ці іх не здымуць. Заканадаўства зьмянілася, і калі летась нам не дазволілі разьмясьціць плякаты, сёлета ўзгадненьне прайшло на ўзроўні рэклямнага агенцтва. Акцыя скіраваная на тое, каб падымаць мінакам настрой, а таксама вучыць беларускую мову», – распавёў адзін з аўтараў акцыі #добрыясловы Павел Белавус.

Білборд зьявіўся таксама ў метро. Агулам у праекце паўдзельнічалі пяцёра вядомых беларусаў. «Яшчэ зьявяцца білборды з Лявонам Вольскім і Стэфаніяй Станютай. Не выключаем, што можа зьявіцца і Зянон Пазняк. Чаму б і не? Вернем Зянона на вуліцы сталіцы! Думаю, ён бы пагадзіўся, ён адкрыты чалавек», – кажа Павел Белавус.

belsat.eu/яс