У Менску пратэставалі самалёт новага пакаленьня
PR dla Zagranicy
Natalia Szymkowiak
10.09.2018 15:02
Е2 – самае лёгкае, ціхае, эфэктыўнае сямейства вузкафюзэляжных паветраных машын.
Ілюстрацыйнае фотаФота: pixabay.com
Новы Еmbraer з акулай на фюзэляжы прыляцеў у Менск у рамках сусьветнага турнэ. Крылатая акула ўжо пабывала ў Афрыцы, Паўночнай Амэрыцы, Скандынаўскіх краінах, у Польшчы. Пасьля тэставага палёту над Менскам самалёт адправіцца ў Расею. Потым яго прымуць яшчэ некалькі эўрапейскіх краін.
Вытворца адзначае, што Е2 – самае лёгкае, ціхае, эфэктыўнае сямейства вузкафюзэляжных паветраных суднаў у сьвеце. Новы самалёт спажывае на 10% менш паліва, чым яго канкурэнты, і на 20% менш, чым шырокафюзеляжныя паветраныя судны.
У залежнасьці ад кампаноўкі, у самалёце можа быць ад 96 да 114 крэслаў. У салёне вялікія паліцы для ручной паклажы. Кошт Е-2 у каталёгах – 60,8 мільёна даляраў.
Свой першы Embraer «Белавія» атрымала ў 2012 годзе. У гэтым годзе «Белавія» купіла і прыгнала з завода ў Бразыліі тры самалёты (два Embraer-195 і адзін Embraer-175), яшчэ пяць самалётаў беларуская авіякампанія бярэ ў бразыльцаў у лізінг.
news.tut.by/нг