„Беларускі партызан” атрымаў прэмію Free Media Awards 2018

Увечары 2 кастрычніка ў Ерэване адбылося ўзнагароджаньне ляўрэатаў прэміі Free Media Awards у галіне свабоды слова, піша kavkaz-uzel.eu. Гэтую прэмію за дасягненьні ў галіне незалежнай журналістыкі заснавалі два фонды: нарвэжскі і нямецкі, якія падтрымліваюць свабоду слова і прэсы.

Сёлета ляўрэатамі прэміі сталі сайт «Беларускі партызан», пецярбурская інтэрнэт-газэта «Фонтанка», мэдыя-плятформа з Тбілісі «Чайхана».

Намінаваныя на прэмію сёлета былі 33 СМІ з краін Паўднёвага Каўказа, Беларусі ды Расеі. Паведамляецца, што «Беларускі партызан» быў намінаваны Беларускай асацыяцыяй журналістаў. Прэмію яму ўручылі за прафэсійную, працяглую журналістыку з рэгіянальным фокусам.

racyja.com/яс