«Беларусьфільм» абвясьціў конкурс сцэнарыяў поўнамэтражных мультфільмаў

Кінастудыя абвясьціла моладзевы конкурс на стварэньне сцэнарыя для поўнамэтражнага мультфільма. Удзельнічаць у конкурсе могуць аўтары ва ўзросьце ад 18 да 35 гадоў, у тым ліку замежнікі. Сцэнарыі прымаюць да 31 сьнежня. Мова твораў – беларуская або руская.

Сцэнарый мусіць быць з актуальнай тэматыкай, мець высокую мастацкую вартасьць. Аўтарам забараняецца ўносіць у твор прапаганду гвалту, жорсткасьць ды парнаграфію.

Вынікі конкурсу падвядуць у студзені 2019 года. Пераможцу ўзнагародзяць дыплёмам і грашовай прэміяй у памеры 2230 рублёў.

euroradio.fm/belta.by/эж