"Справа БелТА" працягвае зьбіраць жніво

Журналістцы БелаПАН Тацьцяне Каравянковай выставілі абвінавачваньне ў «несанкцыянаваным доступе да кампютарнай інфармацыі, учыненым з карысьлівай ці іншай асабістай зацікаўленасьці».

Па словах Тацьцяны, да кампэнсацыі прад'яўлена сума, якая не перавышае пяці тысяч рублёў. З яе ўзялі падпіску аб нявыезьдзе і належных паводзінах.

Тацьцяне пагражае штраф, або пазбаўленьне права займаць пэўныя пасады або займацца пэўнай дзейнасьцю, або арышт, або абмежаваньне волі на тэрмін да двух гадоў, або пазбаўленьне волі на той жа тэрмін.

Напярэдадні абвінавачваньні выставілі чатыром супрацоўнікам партала Tut.by.

nn.by/яс