Чарговая справа за інфармацыю ў сацсетках

Яшчэ адна адміністрацыйная справа за інфармацыю, якая знаходзіцца ў асабістых сацыяльных сетках, заведзена ў Горадні. Гэтым разам на гарадзенца Аляксандра Горбача. Яго вінавацяць у тым, што ён у сваёй сацыяльнай сетцы разьмяшчаў інфармацыю, якая ўваходзіць у сьпіс экстрэмісцкіх матэрыялаў.

Гэта ўжо трэцяя падобная справа за апошні час у Горадні, якая выклікае трывогу ў праваабаронцаў. Зусім нядаўна па падобным абвінавачаньні адбыўся суд над гарадзенскім вядомым музыкам Алесем Дзянісавым. 15-га лістапада будзе працяг суда над Уладам Серадом.

Гарадзенская Вясна/ав