У Беларусі вызначана лепшая аграсядзіба

Лепшай аграсядзібай у Беларусі стаў «Запаведны востраў», які месьціцца на Глыбоччыне. Яна заняла першае месца ў двух намінацыях «Прызнаньне», «Экасядзіба» і атрымала Гран-пры конкурсу.

Штогод конкурс праводзіцца пры падтрымцы «Белаграпрамбанка». Было сем намінацый, і ў трох перамаглі аграсядзібы Глыбоцкага раёна. Усяго ў Беларусі іх зарэгістравана каля 2300, у Глыбоцкім раёне іх каля трыццаці.

Як кажа ўладальнік «Запаведнага вострава» Алесь Цвірка, іх гаспадарка адметная тым, што яна знаходзіцца ў далечыні ад цывілізацыі, можна сказаць на востраве, а таксама там усё зроблена сваімі рукамі.

Аграсядзіба «Запаведны востраў» не аднойчы перамагала ў конкурсах. Яна стала пераможцам і ў 2016 годзе, у намінацыі «Банкаўскія інавацыі ў аграэкатурызме». На канфэрэнцыі «Адпачынак у вёсцы» у Менску пераможцы атрымалі падарункі і грашовыя прызы.

racyja.com/эж