Мядзьведзеў стварае расейска-беларускую групу па спрэчных пытаньнях

Прэм'ер-міністар Расеі Дзьмітрый Мядзьведзеў падпісаў распараджэньне аб стварэньні расейска-беларускай рабочай групы для абмеркаваньня розных аспэктаў інтэграцыі і спрэчных пытаньняў. Пра гэта ён заявіў журналістам 28 сьнежня.

Ад расейскага боку групу ўзначаліць міністар эканамічнага разьвіцьця Максім Арэшкін. У склад групы таксама ўвайшлі прадстаўнікі розных ведамстваў, Дзяржаўнай думы, Савета Фэдэрацыі і Падліковай палаты.

Па словах Мядзьведзева, кіраўнік групы зь беларускага боку яшчэ не названы.

Стварэньне такой структуры было адным з вынікаў перамоваў прэзыдэнтаў Беларусі і Расеі 25 сьнежня.

ТАСС/interfax.by/tut.by/яс