У Шчучыне ўшанавалі памяць ахвяр першай бітвы польска-бальшавіцкай вайны

Споўнілася 100 гадоў зь дня бітвы пад Лябёдкай, якая адбылася амаль за месяц да афіцыйнага пачатку вайны.

У бітве пад Лябёдкай 17 польскіх уланаў падчас начнога адпачынку былі атакаваныя амаль трымя сотнямі байцоў Чырвонай Арміі. У выніку нападу загінула шасьцёра польскіх уланаў. Яны пахаваныя ў брацкай магіле на каталіцкіх парафіяльных кладах у Шчучыне.

Ва ўрачыстай цырымоніі ўскладаньня кветак на магілу польскіх жаўнераў апроч прадстаўнікоў Саюзу палякаў удзельнічаў, генэральны консул Польшчы ў Горадні Яраслаў Ксёнжэк.

Уладзімер Пац/эж