ЗША расчараваныя рашэньнем Беларусі

ЗША выказалі расчараваньне рашэньнем Беларусі не ўдзельнічаць больш у сумесных праектах па ўтылізацыі ўранавай сыравіны, што засталася ў краіне з савецкіх часоў.

Дзярждэпартамент ЗША заявіў, што спадзяецца на выкананьне Менскам абавязацельстваў па ліквідацыі высокаабагачанага ўрану, што з'яўляецца „ўкладам ў забесьпячэньне глабальнай бясьпекі".

У канцы 2010 года беларускія ўлады дамовіліся з ЗША вывезьці са сваёй тэрыторыі запасы высокаабагачанага ўрану да 2012 года.

Аднак 19 жніўня Беларусь у адказ на санкцыі Вашынгтона заявіла аб прыпыненьні работы над сумеснымі з ЗША праектамі па вывазу высокаабагачанага ўрану.

БелаПАН/аз