Logo Polskiego Radia
Print

Лявон Тарасэвіч стаў ляўрэатам прэміі імя Норвіда

PR dla Zagranicy
Dzmitry Hurnievic 25.09.2013 11:20
Статуэтку й чэк на 20 тысяч злотых польскі мастак беларускага паходжаньня атрымаў падчас урачыстасьці ў Каралеўскім замку ў Варшаве.
PAP/Rafał GuzPAP/Rafał Guz

Лявон Тарасэвіч стаў ляўрэатам Прэміі імя Цыпрыяна Норвіда ў намінацыі “Выяўленчае мастацтва”. Статуэтку й чэк на 20 тысяч злотых польскі мастак беларускага паходжаньня атрымаў падчас урачыстасьці ў Каралеўскім замку ў Варшаве.

Узнагароду мастак здабыў за выставу ў галерэі “Spokojna”, а таксама адкрытай галерэі ў Доме Палёніі ў Варшаве.

Лявон Тарасэвіч вучыўся ў варшаўскай Акадэміі мастацтваў. Удзельнічаў у шэрагу выставаў у Польшчы й за мяжой. Прадстаўляў Польшчу на 49-ым Біенале мастацтва ў Венэцыі. У сваёй творчасьці мастак часта выкарыстоўвае публічную прастору, ствараючы мастацкія інсталяцыі вялікіх памераў. Свае працы Тарасэвіч ствараў на плошчы ў Барсэлёне, у падземных паркінгах у Міляне й варшаўскай галерэі “Zachęta”.

Уручэньне Прэміі імя Цыпрыяна Норвіда адбылося ў 192-ую гадавіну з дня нараджэньня клясыка польскай літаратуры. Узнагароды прысуджаюцца ў намінацыях: літаратура, музыка, тэатар, выяўленчае мастацтва.

дг

Print
Copyright © Polskie Radio S.A Пра нас Кантакт