12-гадовы спартовец у коме

Крыху паляпшаецца стан здароўя 12-гадовага скакуна на лыжах з трампліну, які ўчора атрымаў траўму падчас спаборніцтваў у Закапанэ.

У дзіцячым шпіталі ў Кракаве хлопчык прайшоў апэрацыю на мозгу па выдаленьні гематомы. Ён па-ранейшаму ў цяжкім стане, але лекары настроены аптымістычна.

Сёньня мэдыкі будуць вырашаць, калі хлопчык павінен прачнуцца з фармакалягічнай комы.

12-гадовы Шымон зьяўляецца спартоўцам клюба „LKS Klimczok Bystra”. Да нешчасьлівага здарэньня дайшло падчас гонкаў „Lotos Cup шукаем пераемнікаў чэмпіёна”.

аз