Палякі пачалі сьледзтва па факце тэрактаў у Брусэлю

Варшаўская акруговая пракуратура ўзяла пад кантроль сьледзтва па факце тэрактаў у Брусэлі. У выніку выбухаў у брусэльскім аэрапорце і на станцыі мэтро раненьні атрымалі трое грамадзян Польшчы.
Сьледзтва будзе праводзіць Агенцтва ўнутранай бясьпекі Польшчы.

Як паведамлялася, тэракты адбыліся раніцай у аўторак, 22 сакавіка, у міжнародным аэрапорце Брусэля (два выбухі) і ў вагоне мэтро на станцыі «Мальбэк» (адзін выбух). Загінуў 31 чалавек, раненьні атрымалі каля 300, зь іх 150 шпіталізаваныя. Адказнасьць за тэракты ўзяла на сябе тэрарыстычная арганізацыя «Ісламская дзяржава».

Падчас тэрактаў пацярпелі трое беларусаў. Яны атрымалі лёгкія цялесныя пашкоджаньні (баратраўма, парэз) і ўжо выпісаныя з бальніцы.

вс