Сэйм накіраваў на дапрацоўку законапраект аб поўнай забароне абортаў
PR dla Zagranicy
Valery Sauko
23.09.2016 15:21
Адначасова Сэйм адхіліў праект, які наадварот – прадугледжваў лібэралізацыю закона аб штучным перарываньні цяжарнасьці.
PAP/Rafał Guz
Сэйм Польшчы накіраваў на дапрацоўку ў камісію па правах чалавека
законапраект аб поўнай забароне абортаў.
Грамадзянскі праект, падрыхтаваны ўльтракансэрватыўнымі й каталіцкімі асяродзьдзямі, прадугледжвае турэмнае зьняволеньне за правядзеньне аборта.
Адначасова Сэйм адхіліў грамадзянскі праект, які наадварот – прадугледжваў лібэралізацыю закона аб штучным перарываньні цяжарнасьці. У праекце, які падрыхтавалі лева-лібэральныя сілы, была гаворка пра легалізацыю абортаў ва ўсіх выпадках да 12 тыдня цяжарнасьці.
Цяпер у Польшчы аборт можна зрабіць толькі ў трох выпадках: калі цяжарнасьць зьяўляецца вынікам згвалтаваньня, калі цяжарнасьць пагражае жыцьцю й здароўю маці альбо калі чалавечы плод мае сур’ёзныя дэфэкты разьвіцьця.
вс