Польшча і NATO рыхтуюцца да візыту прэзыдэнта ЗША
PR dla Zagranicy
Alaksandar Papko
23.06.2017 16:13
Прэзыдэнт ЗША прыедзе ў Варшаву на пачатку ліпеня.
pixabay.com/Public Domain CC0
Міністар замежных справаў Польшчы Вітальд Вашчыкоўскі правёў тэлефонную размову з генэральным сакратаром NATO Енсам Столтэнбэргам наконт заплянаванага візыту ў Польшчу прэзыдэнта ЗША Дональда Трампа. Пра гэта паведаміла прэс-служба польскага дыпляматычнага ведамства.
Вітальд Вашчыкоўскі паведаміў Енсу Столтэнбэргу тэмы польска-амэрыканскіх перамоваў. Адной зь іх будзе супрацоўніцтва ў рамках NATO. Другой тэмай стане ўдзел прэзыдэнта ЗША ў будучым саміце краінаў Рэгіёну трох мораў. Удзел у ім возьмуць кіраўнікі ўрадаў 12 краінаў Цэнтральнай і Паўднёва-Ўсходняй Эўропы. Сам генэральны сакратар NATO наведае Варшаву ўвосень.
Прэзыдэнт ЗША Дональд Трамп прыедзе ў Польшчу па запрашэньні прэзыдэнта Анджэя Дуды. У Варшаве ён будзе знаходзіцца з 5 па 6 ліпеня.
IAR/ап