Чыпаваньне сабак можа стаць абавязковым

Міністэрства сельскай гаспадаркі рыхтуе новы закон аб рэгістрацыі сабак і катоў. Законапраект будзе прадугледжваць абавязковае чыпаваньне сабак і добраахвотнае катоў. Галоўная мэта – гэта магчымасьць ідэнтыфікацыі жывёл.

Праца над законапраектам распачалася ў сувязі з заклікамі арганізацый, якія займаюцца абаронай жывёл, мясцовых улад і парлямэнтароў. Гаворка аб тым, каб утварыць цэнтральную базу хатніх жывёл.

Паводле экспэртаў, чыпаваньне сабак і катоў зьяўляецца ключавым элемэнтам барацьбы з праблемай бяздомнасьці жывёл. Апека над бяздомнымі жывёламі становіцца ўсё больш дарагой і зьяўляецца праблемай для многіх гмін. Хатніх жывёл часта выкідваюць па прычыне выезду на адпачынак ці таму, што яны надакучылі.

ав