У гіпэрмаркеце ў Беластоку зьявілася мэню на беларускай мове
PR dla Zagranicy
Alaksandar Papko
17.08.2017 12:00
Па-беларуску вырашыла прадубляваць стравы кавярня ў гіпэрмаркеце Аuchan.
Назвы страваў па-беларуску ў гіпэрмаркеце Auchan у Беластоку. Аксана Фок, Беларускае радыё "Рацыя"
У беластоцкім гіпэрмаркеце зьявілася беларуская мова – перадае Беларускае радыё «Рацыя». Мэню па-беларуску можна ўбачыць у краме францускай сеткі Auchan, які знаходзіцца ў Беластоку на вуліцы Прадукцыйнай.
У кафэ ў гэтым гіпэрмаркеце часта абедаюць і вячэраюць пакупнікі, якія прыяжджаюць зь Беларусі. Таму стравы там падпісаны ня толькі на польскай мове, але і ў перакладзе на беларускую. Цяпер беларусам, якія масава набываюць прадукты ў Аuchan’е і прыносяць адчувальныя прыбыткі гандлёвай сетцы, будзе лягчэй азнаёміцца са стравамі кафэ і прасьцей іх замовіць. «Вельмі прыемна, што адміністрацыя Аuchan шчыра і прыхільна аднеслася да мовы суседняй дзяржавы», – пішуць беларускія журналісты.
racyja.com/ап