Польшча займае пятае месца сярод вытворцаў марожанага ў ЭЗ

Вытворцы марожанага прапаноўваюць сёньня тысячы новых смакаў - ад віскі па смак цвятной капусты.

У Эўропе майстрамі па вытворчасьці марозіва зьяўляюцца італьянцы. І нідзе больш у Эўропе няма настолькі вялікага апэтыту на гэты ледзяны дэсэрт, чым у Італіі.

У сярэднім італьянец зьядае больш за 100 шарыкаў марозіва ў год - гэта эўрапейскі максымум.

Па дадзеных Эўрастата, у 2016 годзе па вытворчасьці марожанага італьянцы абагналі немцаў. На трэцім месцы знаходзіцца Францыя.

Гэтая тройка лідараў у мінулым годзе вырабіла амаль палову марозіва ў ЭЗ.

У той жа час дынамічна расьце вытворчасьць малочнага дэсэрту ў Польшчы. Цягам двух гадоў польскія вытворцы абагналі двух малочных гігантаў - Вялікабрытанію й Бэльгію.

Сёньня Польшча займае пятае месца за Гішпаніяй, вырабляючы 263 млн літраў марозіва цягам году. За апошнія 5 гадоў вытворчасьць марожанага ў Польшчы вырасла на 20 млн літраў за год. Такім чынам у наступным годзе палякі маюць шанцы дагнаць Гішпанію, дзе вытворчасьць скарачаецца.

А змагацца ёсьць за што, бо паводле прагнозаў партала statysta.com, вартасьць сусьветнага рынку марожанага да 2022 года складзе $70 млрд - цяпер яна складае $54 млрд.

Паводле pb.pl