У верасьні будзе ўведзены ў эксплюатацыю новы газаправод

12 верасьня польская кампанія падачы газу на ўсю краіну «Gaz-System» запусьціць новы трубаправод Czeszów-Wierzchowice. «Гэта будзе замыканьне польскага ўчастка газавага шляху Поўнач-Поўдзень», – сказаў прадстаўнік кампаніі Томаш Петрасеньскі (Tomasz Pietrasieński).

Гэтая інвэстыцыя зьяўляецца часткай палітыкі, накіраванай на ўмацаваньне энэргетычнай бясьпекі Польшчы ды нашай часткі Эўропы.

Т. Петрасеньскі: Дзякуючы гэтаму газ, які будзе пастаўляцца ў Сьвінавуйсьце, пасьля збудаваньня цэлага газаправода Поўнач-Поўдзень паплыве нават у Харватыю, якая, спадзяемся, таксама збудуе свой тэрмінал.

Томаш Петрасеньскі сказаў, што новы адрэзак газаправода вельмі важны для жыхароў Ніжняй Сілезіі. Ён таксама падкрэсьліў карысьці, якія прынясе адкрыцьцё трубаправода Czeszów-Wierzchowice. Труба дасьць магчымасьць выкарыстаць лішкі газу зь Нямеччыны, спалучыць падземнае сховішча газу Вешхавіцэ (Wierzchowice) з гарадамі ў сталічным раёне Ніжняй і Верхняй Сілезіі.

Трубаправод мае каля 14 км даўжыні. Інвэстыцыя абышлася ў 22,5 млн даляраў (90 мільёнаў злотых). Амаль 12 млн даляраў (48 млн злотых) выклаў Эўрапейскі Зьвяз.

Газаправод Поўнач – Поўдзень павінен мець дзьве ніткі. Адна зь іх спалучыць Тэрмінал СПГ у Свінавуйсьці ды Балтыйскі трубаправод праз паўднёвую частку Польшчы, Чэхію, Славакію й Вугоршчыну і Тэрмінал Крк у Харватыі, які гэтая краіна плянуе пабудаваць.

яс