Пад Варшавай злачынца ўзяў закладніка і спрабаваў выкрасьці лякаматыў

Пракуратура распачала сьледзтва ў справе 35-гадовага мужчыны, які раніцай у падваршаўскім Легіянове запужаў машыніста і скраў лякаматыў. Мужчыне пагражае 8 гадоў пазбаўленьня волі.

Здарэньне адбылося ў чацьвер раніцай у 4.20 на станцыі Легіянова Прыпынак. З боку Новага Двору Мазавецкага ў напрамку Варшавы ехаў лякаматыў без вагонаў. Калі машыніст затрымаўся перад знакам стоп, то пачуў шум на дасе. Раптам злачынца разьбіў акно і ўлез у сярэдзіну кабіны. Ён пагразіў машыністу сьмерцю і загадаў ехаць далей.

Машыніст кіраваў лякаматывам прыкладна 1,5 км, пасьля чаго адмовіўся ехаць далей, патлумачыўшы гэта рызыкай сыходу лякаматыва з рэек. У гэты момант злачынца выскачыў на рэйкі, амаль трапіўшы пад іншы цягнік. Паліцыя затрымала злачынцу. Машыніст атрымаў лёгкія раны далоняў.

Выкрадальнік лякаматыву ня быў пад уплывам алькаголю.

ав