Польскі касьцёл перадасьць 100 тысячаў эўра на дапамогу ўцекачам

100 тысячаў эўра перадасьць дабрачыннай арганізацыі Caritas Liban кіраўнік Канфэрэнцыі польскага эпіскапату арцыбіскуп Станіслаў Гандэцкі (Stanisław Gądecki). Грошы будуць прызначаныя на дапамогу ўцекачам з Блізкага Ўсходу. Гэта супольная ініцыятыва каталіцкіх касьцёлаў з 5 краінаў цэнтральнай Эўропы. Каталікі з Польшчы, Вугоршчыны, Чэхіі, Славаччыны й Харватыі разам перададуць на дапамогу ўцекачам паўмільёна эўра.

Гэтае рашэньне было вынікам сустрэчы каталіцкіх біскупаў, якая прайшла 18-19 кастрычніка ў Будапэшце. «Эўропа павінна стаць сапраўднай сям’ёй народаў, дзе родныя шануюць адзін аднаго й дбаюць пра супольныя каштоўнасьці», – заявілі ўдзельнікі сустрэчы.

IAR/ ап