Logo Polskiego Radia
Print

Урачаныя першыя ордэры на жыльлё ў рамках паграмы "Кватэра Плюс"

PR dla Zagranicy
Natalia Szymkowiak 10.12.2017 09:35
Аплата за арэнду будзе значна меншай за рынкавы кошт жыльля ў Польшчы.
Ілюстрацыйны здымакІлюстрацыйны здымакFoto: polskieradio.pl

Надоечы былі ўручаныя першыя ордэры на кватэры ў рамках дзяржаўнай праграмы «Кватэра Плюс». 258 удзельнікаў праграмы атрымалі дакумэнты ў мясцовасьці Яроцін на захадзе Польшчы.

Віцэ-прэм’ер Яраслаў Говін казаў, што сярод жыхароў, якія празь некалькі месяцаў змогуць пераехаць у новыя кватэры, ёсьць палякі, якія вярнуліся з-за мяжы. Адной з мэтаў праграмы было заахвочваньне палякаў вяртацца на Айчыну, дзе ёсьць для іх праца і жыльлё. Говін падкрэсьліў, што нельга назваць праграму сацыялістычным раздаваньнем жыльля. Праграма абапіраецца на рынкавыя прынцыпы. Урад разам з мясцовымі органамі ўлады прадстаўляе людзям жыльлё ў арэнду па такой цане, якую могуць заплаціць звычайныя, небагатыя сем’і.

Першыя жыхары змогуць пераехаць у кватэры ў Яроціне ў сакавіку будучага году. Асацыяцыя грамадзкага будаўніцтва здасьць у арэнду агулам 360 кватэр плошчу ў 35 і 55 квадратных мэтраў. Аплата складзе адпаведна 400 і 600 злотых у месяц, што значна менш за рынкавы кошт.

Polskieradio.pl/нг

Print
Copyright © Polskie Radio S.A Пра нас Кантакт