МФ уводзіць чарговы інструмэнт для збору падатку ПДВ

Урад Польшчы ажыцьцяляе чарговыя меры, якія павінны дапамагчы як мага лепш зьбіраць падаткі. Дзеля гэтага быў уведзены Адзіны кантрольны файл (АКФ)(Jednolity Plik Kontrolny).

Адзіны кантрольны файл - гэта бухгальтарскія кнігі і дакумэнты бухгальтарскага ўліку, якія вядуцца з выкарыстаньнем кампутэрных праграм у адпаведным фармаце, і перадаюцца ў падатковыя ворганы.

Сёлета абавязак прадстаўленьня дакумэнту быў пашыраны на мікрапрадпрыемствы.

Намесьнік міністра фінансаў Павал Цыбульскі: Мы ведаем, што грунтоўны аналіз мусіць уключаць усе дадзеныя, і нам трэба ўлічыць усе дадзеныя ад усіх суб’ектаў гаспадараньня, таксама і ад мікрапрадпрымальнікаў.

Тэрмін падачы АКФ скончыўся ўчора, але Міністэрства фінансаў зазначае, што Рэспубліканская падатковая адміністрацыя (Krajowa Administracja Skarbowa) яшчэ прымае дакумэнты. Можна карыстацца дапамогай супрацоўніка падатковай.

Дагэтуль падатковыя ворганы прынялі 1 млн 700 тысяч АКФ. Міністэрства фінансаў заяўляе, што першыя месяцы падатковая будзе лагодна падыходзіць да памылак падаткаплатнікаў.

Падатковыя ворганы выкарыстаюць сабраныя файлы для таго, каб выбраць прадпрыемствы для падрабязнай праверкі. У выніку дзяржава будзе больш эфэктыўна зьбіраць падатак ПДВ.

яс

Эфірны выпуск перадачы Пульс польскай эканомікі ў далучаным файле