Колькасьць сьмяротных ахвяр выбуху ў Познані павялічылася да пяці

У панядзелак, 5 сакавіка, Дзяржаўная пажарная служба Польшчы пацьвердзіла інфармацыю пра знойдзенае цела пятай ахвяры трагедыі ў Познані.

Нагадаем, у нядзелю раніцай у выніку выбуху газу абрынуўся жылы дом у згаданым заходнепольскім горадзе.

На момант выбуху ў пяціпавярховым будынку знаходзіліся 40 чалавек. Раненьні атрымаў 21 чалавек, зь іх тры знаходзяцца ў цяжкім стане.

На месцы разбуранага дому надалей працуе пошукава-выратавальная група.

вс