Logo Polskiego Radia
Print

За даўгі бандыты прымушалі да нявольніцкай працы

PR dla Zagranicy
Jolanta Śmiałowska 16.03.2018 08:33
У суд у Катавіцэ накіраваны абвінаваўчы акт супраць злачыннай групы, якую заснавалі псэўдазаўзятары.
Zdjęcie ilustracyjneZdjęcie ilustracyjnepixabay/CC0 License

Жыхар горада Хожаў (Chorzów) на поўдні Польшчы пазычыў ад бандытаў 800 злотых. Праз два тыдні мусіў вярнуць 1600 зл.

У суд у Катавіцэ накіраваны абвінаваўчы акт супраць злачыннай групы, якую ў 2013 годзе заснавалі псэўдазаўзятары. Група праіснавала да 2015 году.

Гангстары пазычалі грошы тым, каму банк не даваў крэдыту. Бандыты налічвалі велізарныя камісіённыя. Калі адзін з кліентаў адважыўся і сказаў, што гэта несумленна, у яго дома зьявіўся прафэсійны баксёр, які працаваў для злачынцаў і прыгразіў, што спачатку даўжнік будзе моцна зьбіты, а потым забіты. На яго таксама наклалі дадатковы фінансавы штраф.

Даўжнікі плацілі ў некалькі разоў больш, чым пазычылі, а нават калі выплацілі запазычанасьць, то надалей мусілі плаціць. У такіх абставінах аказаліся, як мінімум, 29 чалавек. Тых, хто не вярнуў доўг, бандыты вывозілі на нявольніцкую працу ў Нямеччыну. Цэлы заробак бандыты забіралі за «нагадваньне аб запазычанасьці».

Затрыманым злачынцам за трафік, рэкер і інш. пагражае да 15 гадоў турэмнага зьняволеньня.

яс

Print
Copyright © Polskie Radio S.A Пра нас Кантакт