У Польшчы згадваюць апэрацыю "Вісла"

71 гадоў таму пачалася апэрацыя «Вісла». Мэтай апэрацыі была зачыстка паўднёва-ўсходняй Польшчы ад украінскіх нацыяналістаў. У выніку пад перасяленьне трапіла больш за 140 тысяч чалавек – украінцаў ды лэмкаў, што жылі на тэрыторыі трох тагачасных ваяводзтваў: Жэшаўскага, Кракаскага і Люблінскага.

Падставай для перасяленьня стала забойства ў Бяшчадах атрадам УПА генэрала Караля Сьвярчэўскага. Тагачасныя ўлады прынялі ў адказ рашэньне зьнішчыць украінскае падпольле, якое дзейнічала на паўднёвым ўсходзе Польшчы.

Апэрацыя «Вісла» доўжылася тры месяцы. Людзей перасялялі на поўнач Польшчы ды ў Сылезію.

Па сёньняшні дзень тая апэрацыя па-рознаму інтэрпрэтуецца гісторыкамі. Некаторыя кажуць, што яе мэтай было зьнішчэньне УПА, іншыя згадваюць пра яе калектыўны характар, калі пацярпела мноства нявінных людзей, якія ня мелі дачыненьня да дзейнасьці ўкраінскіх партызан.

ПР/юл