У кватэры дэпутата "Грамадзянскай плятформы" дзейнічала эскорт-агенцтва

У кватэры, якая належыць дэпутату партыі «Грамадзянская плятформа» Станіславу Гаўлоўскаму, дзейнічала эскорт-агенцтва. Паведамляе пра гэта радыё Шчэцін са спасылкай на тры незалежныя крыніцы інфармацыі.

Кватэра знаходзіцца ў цэнтры Шчэціна. Рэпарцёр даведаўся, што там працуе эскорт-агенцтва, звонячы на нумар з аб’явы. Інфармацыю пацьвердзілі жыхары дома і ўпраўдом. Вядома, што дэпутат здае вышэй названую кватэру.

Журналістам не ўдалося запытаць Гаўлоўскага, ці ён ведае, у якіх мэтах у яго здымаюць кватэру, паколькі былы сакратар «ГП» сядзіць у турме ў сувязі з абвінавачаньнямі ў карупцыі.

ІАР ПР/нг