Кіраўнік МЗС Польшчы сустрэнецца з дзяржсакратаром ЗША

Міністар замежных спраў Польшчы Яцэк Чапутовіч пачынае свой візыт у Злучаныя Штаты Амэрыкі. Кіраўнік польскай дыпляматыі наведае Вашынгтон і Нью-Ёрк.

Падчас візыту польскі міністар ц другі раз сустрэнецца з дзяржсакратаром Майкам Пампэем, які ўступіў на пасаду ў красавіку гэтага года. Папярэдняя сустрэча палітыкаў адбылася ў мінулым месяцы на саміце NATO ў Брусэлі. Асноўнымі тэмамі сёньняшніх перамоў будуць двухбаковыя польска-амэрыканскія і трансатлянтычныя адносіны, ваеннае супрацоўніцтва і пытаньні энэргетычнай бясьпекі, асабліва ў кантэксьце газаправода Nord Stream 2.

У аўторак Яцэк Чапутовіч прыме ўдзел у пасяджэньні Савета Бясьпекі ААН. Кіраўнік польскай дыпляматыі будзе старшынстваваць на адкрытых дэбатах па пытаньні абароны грамадзянскіх асоб ва ўзброеных канфліктах. Дэбаты будуць другімі ў рамках пасяджэньня Савета бясьпекі падчас польскага старшынства.

На мінулым тыдні ў ААН праходзіла дыскусія пра ролю міжнароднага права ў падтрыманьні міру і бясьпекі, якую правёў прэзыдэнт Польшчы Анджэй Дуда.

ав