Польскія мусульмане распачалі трохдзённае сьвята Рамазан Байрам

Рамазан Байрам – сьвята ў гонар заканчэньня месяца паста. Гэта адно з двух самых важных рэлігійных сьвятаў у мусульманскім сьвеце. З гэтае нагоды ў Беластоку адбудзецца традыцыйны татарскі баль.

Байрам Рамадан сьвяткуецца пасьля строгага 30-дзённага посту й зьяўляецца для мусульман часам адпачынку, сустрэчы з сямʼёй і сябрамі.

На польскім Падляшшы, што ля самай мяжы з Беларусьсю, пражывае самая вялікая колькасьць польскіх татараў. Урачыстыя малебны адбыліся сёньня ў мячэцях вёсак Крушыняны і Багонікі, а таксама ў Цэнтры мусульманскай культуры ў Беластоку.

Дакладныя дадзеныя аб колькасьці палякаў, якія вызнаюць іслам, не існуе. У Мусульманскім рэлігійным саюзе Польшчы сьцьвярджаюць, што да іх належаць каля 5 тысяч чалавек, большасьць з іх пражывае на Падляшшы.

эж