У Варшаве затрымалі вядомага польскага ліхача

Паліцыя арыштавала ў Варшаве Робэрта Н., больш вядомага як „Frog”. Мужчына вядомы тым, што неаднаразова парушаў правілы дарожнага руху, у тым ліку ў некалькі разоў перавышаў дазволеную хуткасьць. Запісы сваіх „рэйдаў” па варшаўскіх вуліцах ліхач публікаваў у інтэрнэце.

Антоні Жэчкоўскі (Antoni Rzeczkowski) са сталічнай паліцыі паведаміў, што ўчора ўвечары функцыянэры затрымалі аўтамабіль Porsche Panamera, якім кіраваў Робэрт Н. Падчас праверкі аказалася, што суд ужо забараніў мужчыне кіраваць транспартнымі сродкамі тэрмінам да 2019 году.

За парушэньне судовай забароны, паводле Крымінальнага кодэксу, ліхачу пагражае пакараньне пазбаўленьня волі ад 3 месяцаў да 5 гадоў.

аз