«Żabka» працуе, нягледзячы на забарону гандлю ў нядзелю

«Żabka» зьяўляецца гандлёвай сеткай, якая працуе на аснове франшызы. Дагэтуль суды разгледзелі восем іскаў, якія падала Дзяржаўная інспэкцыя працы за парушэньне забароны гандлю ў нядзелю. На ўсіх працэсах выйгралі прадстаўнікі гандлёвай сеткі.

Уладальнікі крамаў выкарысталі прабелы ў законе – усе гандлёвыя кропкі падпісалі раней дамовы з паштовымі апэратарамі, а ў законе з забароны нядзельнага гандлю выключаныя паштовыя аддзяленьні.

Рашэньня чакаюць яшчэ дзясяткі справаў. Аднак нельга чакаць іншых вынікаў, калі дагэтуль ня знайшліся падставы, каб аспрэчыць права крамаў «Żabkа» гандляваць у нядзелю (паколькі яны аказваюць таксама паштовыя паслугі).

У Польшчы паступова абмяжоўваецца гандаль у нядзелю. Цяпер гандлёвыя сеткі працуюць у першую і апошнюю нядзелю месяца. Мэтава ў Польшчы будзе поўнасьцю забаронены нядзельны гандаль. Правіламі дазваляецца праца ў нядзелю тых гандлёвых пунктаў, дзе за прылаўкам стаіць уладальнік.

Гандляры шукаюць прабелы ў законе, каб абмінуць гэтую забарону.

Dziennik. Gazeta Prawna/яc

Эфірны выпуск перадачы "Пульс польскай эканомікі" ў далучаным файле