Знойдзеныя найстарэйшыя на тэрыторыі Польшчы астанкі чалавека

На тэрыторыі Айцоўскага нацыянальнага парку знойдзеныя найстарэйшыя ў Польшчы астанкі чалавека. Гэта косьць далоні нэандэртальскага дзіцяці даўжынёй амаль цэлы сантымэтар. “Гэта ўнікальнае адкрыцьцё”, - кажуць навукоўцы.

Астанкі, знойдзеныя ў Цёмнай пячоры (Jaskiniа Ciemnа), маюць каля 115 тысяч гадоў. Навукоўцы мяркуюць, што знойдзеныя косткі далоні належалі дзіцяці ва ўзросьце 5-7 гадоў і былі перавараныя вялікай птушкай. Невядома, ці гэтая птушка зьела жывое дзіця ці ўжо пасьля сьмерці.

Астанкі захаваліся ў вельмі кепскім стане, таму нельга будзе зрабіць аналіз ДНК. Усё ж навукоўцы не сумняваюцца, што гэта астанкі нэандэртальца.

“Яны паходзяць з вельмі глыбокага слою пячоры, які знаходзіцца некалькі мэтраў пад цяперашняй паверхняй. У ім захаваліся тыповыя каменныя прылады, якія ўжывалі нэандэртальцы”, - гаворыць прафэсар Павал Вальдэ-Новак з Інстытуту археалёгіі Ягелонскага ўнівэрсытэту ў Кракаве.

PAP/ав