Невідушчыя пратэставалі перад Сэймам

У Міжнародны дзень белага кія – сьвята невідушчых і слаба відушчых асоб – фонд «Шанец для невідушчых» арганізаваў маніфэстацыю перад Сэймам.

Старшыня фонду Марэк Кальбарчык сказаў, што невідушчыя вырашылі нагадаць пра некалькі сваіх пастулятаў, а самы галоўны з іх тычыцца шанцаў на рынку працы. Ён падкрэсьліў, што людзі з праблемамі са зрокам хочуць працаваць, але, нягледзячы на дапамогу з боку Дзяржаўнага фонду рэабілітацыі інвалідаў, месцаў не хапае.

Марэк Кальбарчык тлумачыць, што невідушчыя асобы павінны за ўсё заплаціць, напрыклад, за прыборку кватэры. Інваліды па зроку таксама ня маюць падатковых ільготаў. Ён таксама гаварыў пра доступ да адукацыі і тэхнікі, якая зьмяншае наступствы інваліднасьці.

Міжнародны дзень белага кія адзначаецца з 1964 году.

ав