Цытаты Яна Паўла ІІ і прымаса Вышыньскага выстаўленыя ў Варшаве

“Граматыка жыцьця Вышыньскага і Вайтылы” - гэта тытул выставы, якую з аўторку можна паглядзець перад Галерэяй нацыянальнага цэнтра культуры “Kordegardа”. Выстава прымеркаваная да 40 гадавіны выбару на Папу рымскага кардынала Караля Вайтылы і 70 гадоў з моманту, як кардынал Стэфан Вышыньскі стаў прымасам Польшчы.

Аўтары выставы адзначаюць, што яны хацелі паказаць галоўныя ідэі ў навучаньні Яна Паўла ІІ і кардынала Стэфана Вышыньскага. Выстава зьвяртае ўвагу на галоўныя думкі ў выглядзе цытатаў. Выбраныя фразы закранаюць розныя ідэі – мужнасьць, народ, камунізм, праца, прабачэньне, бацькаўшчына, сумленьне, любоў.

Экспазыцыя зьяўляецца супольным праектам Інстытута нацыянальнай памяці ды Музэя Яна Паўла ІІ і прымаса Вышыньскага. У рамках акцыі “Адукацыйная гістарычная пасылка” выстава будзе папулярызавацца ў школах і ўстановах, зацікаўленых яе прэзэнтацыяй.

ав