Прэзыдэнт Польшчы прысвоіў чарговае званьне генэрала дзевяці афіцэрам

Напярэдадні Сьвята незалежнасьці Польшчы прэзыдэнт краіны Анджэй Дуда прысвоіў генэральскія й адміральскія званьні дзевяці афіцэрам Войска Польскага. Урачыстае мерапрыемства з гэтай нагоды адбылося ў Прэзыдэнцкім палацы 10 лістапада.

Анджэй Дуда падкрэсьліў, што генэральскія прызначэньні ў гэты дзень маюць асаблівую каштоўнасьць і зьяўляюцца вялікай падзеяй як на дзяржаўным, так і асабістым узроўні. Кіраўнік дзяржавы падзякаваў новым генэралам за іх працу, адзначыўшы, што гэтыя званьні не зьяўляюцца падарункам, а вынікам іх шматгадовай службы.

Падчас урачыстай цырымоніі Анджэй Дуда таксама падпісаў зьмены ў закон, які ўводзіць новую сыстэму кіраваньня й камандаваньня арміяй. Паводле яго, асноўная роля адводзіцца начальніку Генэральнага штабу, а не як цяпер Генэральнаму камандаваньню родаў узброеных сіл.

вс