Польскі закон аб антытэрарызьме – мадэльнае рашэньне ў ЭЗ і НАТО

Дырэктар па справах бясьпекі ў Эўрапейскім цэнтры ўдасканаленьня супраць гібрыдных пагроз (Hybrid CoE) у Хэльсінках назваў Польскі закон аб антытэрарызьме прыкладам мадэльнага рашэньня, якое можа быць узорам для іншых краін ЭЗ і НАТО.

Дырэктар Юка Саволайнэн пазнаёміў з польскім законам удзельнікаў сустрэчы краін-чальцоў Hybrid CoE, якая прайшла ў лістападзе ў Брусэлі. На ёй прысутнічалі прадстаўнікі Фінляндыі, Нарвэгіі, Даніі, Эстоніі, Нямеччыны, Вялікабрытаніі, Францыі, Гішпаніі, ЗША і Польшчы. Юка Саволайнэн паставіў у прыклад польскі закон аб антытэрарызьме.

«Працуючы над законам мы разумелі, што ствараем сучасныя праўныя вырашэньні, якія дазволяць актыўна змагацца з тэрарыстычнай пагрозай у Польшчы», – сказаў парталу tvp.info Станіслаў Жарын, прэс-сакратар каардынатара спэцслужб.

ав