Польскі прэм’ер папрасіў Сэйм падтрымаць яго кабмін

Матэвуш Маравецкі зьвярнуўся да дэпутатаў польскага Сэйму з просьбай выказаць вотум даверу ягонаму ўраду. Прэм'ер паясьніў, што яго кабмін павінен атрымаць салідны мандат падтрымкі з боку польскага грамадзтва перад заўтрашнім паседжаньнем Эўрапейскай рады й перад працягам рэформаў у краіне.

З 1989 году гэта пяты выпадак, калі прэм’ер просіць Сэйм падтрымаць яго кабмін. Апошні раз зрабіў гэта Дональд Туск у чэрвені 2014 году. У кожным з гэтых выпадкаў парлямэнцкая большасьць падтрымала вотум даверу кіраўніку ўраду.

Нагадаем, у пятніцу, па ініцыятыве апазыцыйнай фракцыі „Грамадзянская плятформа” парлямэнт будзе галасаваць па справе канструктыўнага вотуму недаверу ўраду.

аз