У Сэйме і Сэнаце цікавяцца заробкамі ў Нацбанку

31 студзеня Сэйм прыняў закон аб адкрытасьці даных пра заробкі ў Нацыянальным банку Польшчы.

Сэнат унёс у закон папраўкі.

Дэпутаты Сэйма разгледзяць іх 20 лютага.

Закон вызначае верхнюю мяжу ўзнагароджаньня кіраўніцтва НБП. Адзначана, што заробкі ня могуць быць большымі за 60 працэнтаў ад зарплаты кіраўніка банка.

У той жа час член Сэната Польшчы ад партыі «Права і справядлівасьць» Ян Марыя Яцкоўскі мае намер зноў накіраваць запыт да старшыні Нацыянальнага банка Польшчы пра заробкі яго бліжэйшых супрацоўнікаў.

Гаворка ідзе пра начальніка аддзела грамадзкіх сувязей і рэклямы Мартыну Вайцяхоўскую і дырэктара канцылярыі старшыні НБП Камілю Сукеньнік.

Паводле даных, апублікаваных у СМІ, яны атрымліваюць завышаныя заробкі — каля 65 тыс. злотых (больш за 15 тыс. эўра).

У канцы мінулага года Ян Марыя Яцкоўскі ўжо накіроўваў запыты па гэтым пытаньні, аднак адказ, які ён атрымаў ад НБП, «не зьяўляецца здавальняючым».

На думку Эўрапейскага цэнтральнага банка, зьніжэньне заработнай платы ў НБП несумяшчальна з прынцыпам фінансавай незалежнасьці, бо адмоўна паўплывае на здольнасьць банка наймаць і ўтрымліваць супрацоўнікаў.

IAR/вк