ЭЗ змагаецца з нелегальнай вырубкай
PR dla Zagranicy
Anna Zadrożna
03.03.2013 17:00
Сёньня ўступаюць у сілу новыя правілы па гандлі драўнінай.
Foto:pixabay.com
Эўрапейскі зьвяз абвастрае барацьбу зь нелегальным гандлем драўнінай. Сёньня ўступаюць у сілу новыя правілы ў гэтай галіне.
Цяпер, у адпаведнасьці з законам, імпартэры й гандляры драўнінай будуць прымушаныя весьці спэцыяльную дакумэнтацыю, якая дапаможа акрэсьліць паходжаньне тавару.
Новыя правілы былі прынятыя больш чым два гадоў таму, аднак ЭЗ даў кампаніям, якія займаюцца гандлем драўнінай, час на падрыхтоўку.
На думку экспэртаў у Брусэлі, амаль трэць драўніны, якая знаходзіцца на эўразьвязаўскім рынку, паходзіць зь нелегальных крыніц. Вартасьць нелегальнага тавару ў маштабе года ацэньваецца на 15 мільярдаў эўра.
Новыя правілы ня толькі дапамогуць ахоўваць лес, але й абмяжуюць злачынную дзейнасьць.
У ЭЗ выкарыстоўваецца 35% сусьветнай драўніны.
аз