Жанчына абраная галавой Швэдзкай царквы

Упершыню ў гісторыі кіраўніком Швэдзкай лютэранскай царквы абраная жанчына. На гэтую пасаду, большасьцю галасоў, была абраная біскуп лундзкай эпархіі Ант’е Якэлен, паведамляе Швэдзкае радыё.

Ант’е Якэлен набрала 174 галасы царкоўных выбаршчыкаў, што склала 56%. На другім месцы апынуўся біскуп Рагнар Пэрсэніус са 103 галасамі й 33%.

Ант’е Якэлен заявіла пасьля абвяшчэньня вынікаў выбараў, што нічога дзіўнага ў выбары жанчыны на пасаду кіраўніка Швэдзкай царквы не бачыць: «У нас жанчыны - сьвятары ўжо 50 гадоў" .