Фінскія падлеткі абакралі міністэрства замежных спраў

Паводле сьледства, 2 студзеня 14-гадовы і 15-гадовы падлеткі праз дах праніклі ў будынак ведамства на вуліцы Катаянокка ў Хэльсінках. Яны вынесьлі банкаўскія карты і мабільныя тэлефоны з аддзелу прэсы і культуры.

У будынку спрацавала сыгналізацыя, на месца адразу прыбыла паліцыя. Падлеткі выбеглі зь міністэрства і схаваліся пад прыпаркаванымі побач машынамі. Аднак іх адразу адшукалі з дапамогай службовага сабакі. Затрыманыя прызналі сваю віну.

Паліцыя адзначае, што ў рукі падлеткаў ня трапіла ніякая канфідэнцыйная інфармацыя. Пакараньне з увагі на ўзрост зламысьнікаў замест іх панясуць іх бацькі.

lenta.ru/эб