Прарасейскія сэпаратысты зьбілі верталёт
PR dla Zagranicy
Anna Zadrożna
29.05.2014 16:47
Загінулі 14 вайскоўцаў.
foto: EPA/MAKSIM MARUSENKO
Прарасейскія сэпаратысты зьбілі верталёт пад Славянскам. Загінулі 14 вайскоўцаў. Інфармацыю пацьвердзілі прадстаўнікі ўладаў у Кіеве.
Старшыня парлямэнта й выконваючы абавязкі прэзыдэнта краіны Аляксандар Турчынаў паведаміў, што сэпаратысты выкарысталі расейскі мабільны супрацьракетны комплекс. На борце верталёта было 14 вайскоўцаў, у тым ліку генэрал.
Прэс-сакратар расейскіх сэпаратыстаў сказаў, што машына была зьбітая ў выніку сур'ёзных баёў, якія праходзяць на паўднёвай ускраіне Славянска.
З раніцы са Славянска й Краматорска паступаюць інфармацыі пра сутыкненьні. Сэпаратысты праводзяць абстрэл украінскіх пазыцыяў з жылых раёнаў, выкарыстоўваючы жыхароў у якасьці жывых шчытоў і спадзяючыся, што вайскоўцы не адкажуць агнём.
Гэта найбуйнейшая колькасьці ахвяр па ўкраінскім боку з красавіка, калі сэпаратысты пачалі дзеяньні на ўсходзе Ўкраіны.
аз