Украіна мае новы ўрад

Учора Вярхоўная Рада Ўкраіны зацьвердзіла склад новай Рады міністраў. За пастанову прагаласавалі 288 дэпутатаў. У новым урадзе будзе створана 17 міністэрстваў.

Эканомікай, фінансамі й аховай здароўя будуць кіраваць замежнікі. Усе яны перад прызначэньнем на свае пасады атрымалі ўкраінскае грамадзянства й адмовіліся ад грамадзянства іншых краінаў.

Міністрам фінансаў стала народжаная ў ЗША Натальля Ярэська, міністэрства эканамічнага разьвіцьця й гандлю ўзначаліў летувіс Айварас Абрамавічус, а міністрам аховы здароўя абраны грузін Аляксандар Квіташвілі.

Як паведамляюць украінская СМІ, Натальля Ярэська жыве ва Ўкраіне ўжо 20 гадоў. Айварас Абрамавічус працуе ў Кіеве ужо цягам 6 гадоў.

Галасаваньне па справе складу новай Рады міністраў адбылося пакетам, нягледзячы на патрабаваньне асобных дэпутатаў галасаваць па справе кожнага міністра асобна.

аз